Tamil Poems - Written by Sen

காதல் பக்கங்கள்

2009-07-02T16:01:00.009+05:30

வெயிலும் நிலவும் முட்டிக் கொண்ட தருணங்களில்
உன் கார்மேகக் கரு விழிகளால்
என் புகைப்படம் நோக்கி நீ பிறப்பித்த
ஒரு மூன்றாம் பிறைப் புன்னகையில்
பிறந்தே விட்டது நமக்கான காதல் பக்கங்கள்

ஒரு பெண் பார்க்கும் நாளில்
உன் ஒற்றைப் புருவம் நெரித்து
கால் கோலம் பொட்டு
நீ வீசிய காதல் அம்புகளில்
என் இதயமெங்கும் சந்தோஷ சாரல்கள்...

எனக்கும் உனக்கும் இடையில்
இடைவெளி குறைந்த தருணங்களில்
தீயினை தீண்டாமலே
எனக்குள் நெருப்பு பிரவாகம்

எனக்கென எத்தனை உறவுகள் இருந்தாலும்
எனக்கென நீயொரு உயிராய்
உனக்கென நானொரு உருவாய்
வாழப்போகும் நிமிடங்களை நினைத்த போது
பிறந்தே விட்டது நமக்கான காதல் பக்கங்கள்...

ஒரு முறை.. ஒரே முறை...

2008-12-16T15:30:00.000+05:30

நாளங்கள் எங்கும் நாணங்களும்...
இதழ் ஒரங்கள் எங்கும் ஈரங்களும்...
பனிப் பாதங்கள் தன்னில் கோலங்களும்...
சிறு அருவம் என்றாலும் விழி பாவங்களும்...
இப்படி முதல் முறையாக
உன்னை பார்த்த போதே எனக்குள்
சந்தோஷ சாரல்கள் சாமரம் வீசியதேனென்று தெரியவில்லை இன்னும்!!!
ஒரு நாள், உன்னை நானும் என்னை நீயும்
முதல் முறையாக பார்த்து கொண்ட போது
முட்டிக்கொண்ட நம் பார்வை அம்புகளில்
தெறித்து விழுந்ததென்னவோ நம் காதல் துளிகள் தான்...
உன் தாவணிக்குள் ஒளித்து வைத்த
இதயத்தின் சிணுங்கல்கள் கூட
என் காது வரை கவி பாடி செல்கிறதடி!!!
நேற்றைய இரவுகளில் கைபேசியின் உறக்கம் தொலைத்து
கனவுகளுடனே நினைவில்லாமல் பேசியதையும்,
என் நினைவுகளுடன் கனவுகளாய் கைது செய்திருக்கிறேன்...
இன்னும் காத்திருக்கிறேன்....
ஒரு முறை.. ஒரே முறை.. தோன்ற போகும்
அந்த ஒரு நொடி காதல் சந்தத்திற்காக..

விட்டு சென்றது நீதானா?

2008-08-08T01:45:00.000+05:30

எனக்கும் உனக்குமான உறவுகள்
பிணக்கம் இல்லாமலே கலக்கமாய்..
தூங்காத விழிகளை
நான் பார்த்ததே இல்லை..
இன்று உன்னால் அதையும் பார்க்கிறேன்,
என் தூங்காத விழிகளால்..
உன்மீதான என் காதல்
உடைபெடுக்காமலே என்னை கொல்கிறதே...
நானும் நீயும் நாமாக

இருந்ததெல்லாம் கடந்த காலமானதா?
எனக்கு தெரிந்ததெல்லாம் உன்னை
காதலிப்பது மட்டும் தான்..
என்னை விட்டு சென்றுவிட
துடிக்கிறதா உன் மனம்?
உண்மையாக சொல்கிறேன்..
உனக்கு பிடிக்காதென்று தெரிந்தும் சொல்கிறேன்.
இப்பொழுதெல்லாம் நீ என்னுடன்
பெசவதில்லைஎன என்
கைபேசி கூட அழுகிறது..
இழந்தது நான் தானா? இல்லை
விட்டு சென்றது நீதானா?
ஒரு நிமிடம் உன்னை பிரிந்து செல்வதற்கே
மனம் துடிதுடித்தது அன்று..
சில விசயங்களை சொல்வதற்கே
பயமாக இருக்கிறது இன்று...
கனத்த இதயத்துடன்
கல்லறைக்கே செல்கிறேன் (விரைவில்)..

சென்று வருகிறேன்...

2008-04-03T22:38:00.000+05:30

விட்டுப் பிரிந்த நினைவுகளும்
தொட்டு தொலைந்த கனவுகளும்
கையை விட்டு கரைந்தாலும்,
காலங்கள் போட்டு வைத்த
கணக்கில்லா புள்ளிக் கோலங்களில்
கரைந்து காணாமலே போகிறேன்...
என்றாவது என் சொற்கள்
உன் நினைவலைகளை மோதிச் செல்லும்...
அந்த நொடியினில் அரைகுறையாய்
என் நியாபகம் வந்து செல்லும்..
எட்டிப் பார்க்கும் கண்ணீர் துளிகள்
எப்படியும் நான் இருந்தேன் என்று
உனக்கு சொல்லி விடும்
அந்த கணம் அருகமர்ந்து
ஆறுதல் சொல்ல நானிருக்க மாட்டேன்..
அகமும் புறமும் உணர்ந்த நாம்
முகமே பார்க்க முடியாது போயிருக்கும்..
சுழலும் கால சக்கரத்தில்
என் நினைவு தூசிகளும்
எங்கோ சென்றிருக்கும் உன்னை விட்டு

சந்தியா... சந்தியா...

2008-02-22T20:12:00.000+05:30

சாரமில்லாமல் ஊசலாடிய
என் இதயத்திற்கு
சாரமும் ஈரமும் வந்ததெப்படி?
என் சரீரத்திற்க்கு
சாரீரம் வந்ததெப்படி?
சாளரம் இல்லாமலே... சந்தியா,
எனக்குள் தாராளமாய் நுழைந்துவிட்டாள்!!!

முற்றும்

2007-11-16T00:39:00.000+05:30

நிஜங்கள் மாறும்போது
நிழல்களும் சாய்வதுண்டு!!!
பயணங்கள் தொடர்ந்தாலும்
சக பயணிகள் மாறுவதுண்டு!!!
முடிவில்லா இப்பயணத்தில்'
முற்றும்" போடும் நாளே முடிவாய்!!!
அன்பை தொலைத்து தேடி அலைபவனுக்கு
அள்ள அள்ள கிடைக்காவிடினும்
கிள்ளி தருமா உந்தன் உள்ளம்?

இன்று இலையுதிர்காலம் ..

2007-10-19T21:25:00.000+05:30

உன் இதய வானில்
நானொரு நிலவாக நினைத்திருந்தேன்!!
இருண்ட மேகமாகி இன்று
கரைந்து காணாமலே போனேன்!!
செடியாக நீயிருந்தபோது
வேராகிட நினைத்திருந்தேன்!!
நானும் ஒரு இலைதான் என
எனக்கு புரியவைத்தாய்!!
இன்று இலையுதிர்காலம்...
உதிர்ந்த சருகாகி
உந்தன் வேருக்கே உரமாகி போனேன்!!

அப்பாவுக்காக

2007-10-04T15:50:00.000+05:30

விவரம் புரியா வயசுல
தவழ்ந்து திரிஞ்ச நேரத்துல
என் கன்னம் புடுச்சு கொஞ்சுவாயாமே!!
அம்மா சொல்லி இருக்கிறாள்.

மழை பேஞ்சு முடிஞ்சா
மண்வெட்டி ஒரு தோளிலும்
நான் ஒரு தோளிலுமாக
வரப்பு ஏறி அணை கட்டச் செல்வாயாமே!!
அம்மா சொல்லி இருக்கிறாள்.

மாமா வீட்டுக் கல்யாணத்தில்
நான் அழுதேன் என்று
சாப்பிடாமலே எழுந்து ஒடி வந்தாயாமே!!
அம்மா சொல்லி இருக்கிறாள்.

முதல் பிறந்த நாளுக்கு
புது டவுசர் போட்டு விட்டு
சிங்கம் மாதிரி இருக்கான்டினு
சொல்லிச் சொல்லிச் சிரிச்சியாமே!!
அம்மா சொல்லி இருக்கிறாள்.

டூரிங் டாக்கீசுக்கு போயி
எனக்கும் படம் தெரியனும்னு
உன் தலை மேல தூக்கி வச்சிகிட்டியாமே!!!
அம்மா சொல்லி இருக்கிறாள்.

எனக்காக நடைவண்டி வாங்கிட்டு
வீட்டுக்கு ஓடி வரும்போது
லாரி உன் மேல மோதி...
இதுக்கு மேல எனக்கு சொல்ல தெரியலப்பா..
அப்பவும் நீ என்னைத்தானே நெனைச்சிட்டு இருந்துருப்ப?
அம்மா சொல்லாமலே புரியுது எனக்கு...

ஒரு பெ(க)ண்ணின் கதை

2007-10-03T16:26:00.000+05:30

(அவள் கண்ணின் பார்வையில்)
நானும் பார்த்துக் கொண்டே தான் இருக்கிறேன்
மேல் உதடுக்கும் கீழ் உதடுக்கும் சண்டை
யார் அவனுக்கு முதல் முத்தம் தருவதென்று!!
பொதுவாய் ஒரு தீர்ப்புச் சொன்னேன்
சேர்ந்து கொடுத்தால் சுகம் என்று!!
இவளது இதழ் குவித்து அவனிடம்
முத்தப் பரிமாற்றம் நடத்தினாள்
எனக்குத் தான் வெட்கத்தில் கண்கள் மூடிக்கொண்டன.

கதை அல்ல நிஜம்

2007-09-28T20:23:00.000+05:30

என் அன்புத் தோழி அவள்
பேசத் தெரிந்த கருப்பு ரோஜா!!
எத்தனை பேர் வந்தாலும்
எனக்கென்று ஓர் இடமுண்டு அவளிடம்!!
எத்தனை புயல்கள் எத்தனை இயல்கள்
எல்லாமே நீண்ட பயணத்தின்
கவிதைப் பக்கங்களாய்!!
உன் ஒரு புன்னகைக்குத் தான்
எத்தனை பெரிய வரிசை?
முன் பதிவு செய்யாமலே
இடம் கொடுத்தாய் உன் இதயத்தில்!!
நண்பர்களாகி காதலிக்கும் உலகில்
காதலாகி தோழியானாள் அவள்!!

உயிர் மட்டும் நீ தர வேண்டும்

2007-09-24T14:36:00.000+05:30

காலங்கள் போடும் கோலங்களில்
நீயும் ஒரு புள்ளியாய்..
உன்னை சுற்றி வளைந்து ஓடியே
என்னுள் நான் உயிர் பெற்றேன்..
சிறு காற்று வந்து
கலைத்ததே..உயிர் கலைந்ததே
மீண்டும் ஓடி வளைய என்னுள் ஆசை
உயிர் மட்டும் நீ தர வேண்டும். தருவாயா?

எனக்கொரு தோழி உண்டு

2007-09-21T12:40:00.000+05:30

எனக்கொரு தோழி உண்டு
எப்போதும் சிரிப்போடு..
இளமை துள்ளலாய்..
மருண்ட விழியோடு
இருண்ட குழலோடு
எப்போதும் சிரிப்போடு..

பேசிப்பேசி நாட்கள் கரைய
சிரிப்பே ஒரு போர்வைதானடா என
எனக்குச் சொன்னாள் கண்ணீர் சிதற..
காட்டுச் சிறையில் அடைபட்ட
புள்ளிமான் நீயென புரியவைத்தாய்

பாலைவன மணலில்
தனிமை நடை பயிலும்
உன்னோடு கை கோர்த்து கரை சேர்க்க
நானுன்டு என் தோழியெ...
இப்போது அவள் சொன்னாள்
எனக்கொரு தோழன் உண்டு
எப்போதும் சிரிப்போடு..

காதலாகி கசிந்துருகி

2007-06-05T12:19:00.001+05:30

மயங்கி கிறங்கி மையலுற்று
காதலாகி கசிந்துருகி
காதல் பிறப்பெய்து
அதனால் இறப்பெய்து
இறைவனடி சேர்ந்தேன்!!!
இறைவன் கேட்டான், "என்ன செய்தாய்"?"
காதலுற்றேன்", விரக்தியாய் நான்.
"எது வேண்டும்? சொர்க்கமா? நரகமா?", கேட்டது கடவுள்.
புதிய இடம் வேண்டாம்
நரகமே தந்து விடு
நான் பழகிய இடம்!!!
நகைத்துச் சிரித்தார் கடவுள்...

ஒற்றை சூரியன்

2007-06-05T12:07:00.000+05:30

கடல் சத்தம் காற்றில் இசைக்க
மணல் மீது மெல்ல மெல்ல
கனவோடு கைகோர்த்து நடந்தபோது
தூரத்து அலை நோக்கினாய் நீ!!!
உன் முகம் பார்த்தேன் நான் !!!
"என்னடா பண்றே?" என்று நீ கேட்டபோது
இங்கொரு சூரியனை பாரடி என்றேன்!!!
எங்கே என விழித்தாய்!!!
உன் முகம் தானடி என்றபோது
முகம் பொத்திச் சிரித்தாய்!!!
வேறொறு வேதனையில்
வெறுத்து பிரிந்தாலும்
இன்னும் அதே கடலோரத்தில்
நான் மட்டும் ஒற்றை சூரியனுடன்!!!

நீ தலையாட்டி இருந்தால்? (Nee thalaiyaati irunthaaal)

2007-05-18T12:57:00.000+05:30

சென்னை பட்டணத்தில் பாண்டி பஜாரில்
ஒரு ஓட்டை மோட்டார் சைக்கிளில்
புருசனோட நீ போவதை பார்த்தேன்!!!
உனக்கு நியாபகம் இருக்கா
சின்ன வயசு கவிதை கனவுகளை?
ஒடி பிடித்து விளையாடும் போது
ஒருவரை ஒருவர் முறைத்து கொள்வோமே!!!
நொண்டி ஆட்டத்தில் என்னை ஜெயித்தால்
துள்ளி குதித்து ஓடுவாயே!!!
கூட்டாஞ்சோறு ஆக்கும்போது
கொஞ்சம் கூட தரமாட்டேன் என்பாயே!!!
பள்ளி கூடம் போகும் வழியில்
என் சைக்கிளில் ஏறிக்கொள்ள சொன்னாலும்
ஏற மாட்டென் என்று அடம் பிடித்து
எட்டிச் சென்று விடுவாயே!!!
நான் என் காதலை உன்னிடம் சொன்ன போது
என்னை பார்த்து அப்படி ஒரு முறைப்பு
அன்று நீ தலையாட்டி இருந்தால்?

chennai pattanathil pondy bazaaril
oru ottai motor cycilil
purusanoda nee povathai paarthen!!!
unakku nyapagam irukka
chinna vayasu kavithai kanavugalai?
odi pidithu vilaiyadum pothu
oruvarai oruvar muraithu kolvome!!!
nondi aatathil ennai jeyithaal
thulli kuthithu oduvaye!!!
kootanchoru aakumpothu
konjam kooda tharamaten enbaye!!!
palli koodam pogum valiyil
en cycilil erikolla sonnalum
era maaten endru adam pidithu
etti sendru viduvaye!!!
naan en kaathalai unnidam sonna pothu
ennai paarthu appadi oru muraippu
andru nee thalaiyaati irunthaal?

மரண படுக்கை (Marana padukkai)

2007-05-10T14:53:00.000+05:30

விடிந்த பின்னும் யோசிக்கிறேன்
முடியாத என் இரவுகளை!!!
எத்தனை முறை சொல்லியிருப்பாய்
என்னை மறந்து விடாதே என்று!!!
கலைந்து போன மேகங்களாய்
என் காதல் கனவுகள்!!!
சிறகடிக்க ஆசைப்பட்டு
சிறகொடிந்து போனது!!!
மறக்க முடியாத நினைவுகளோடு
மரண படுக்கைக்கு செல்கிறேன் !!!

Vidintha pinnum yosikiren
mudiyatha en iravugalai!!!
ethanai murai solliyiruppai
ennai maranthu vidathe endru!!!
kalainthu pona megangalaai
en kaathal kanavugal!!!
siragadikka aasaipattu
siragodinthu ponathu!!!
marakka mudiyatha ninaivugalodu
marana padukkaiku selgiren !!!

விளையாட்டு மைதானம் (Vilayyaatu Maithanam)

2006-12-20T14:19:00.000+05:30

விதிகளை மாற்றும் பிரம்மனில்லை நான்
விரக்தியாய் உருண்டோடும் கூழாங்கல் நான்
நேற்றும் இன்றும் கற்பனைகள்
நாளை மற்றும் மாறியது
இன்றைய சந்தோஷங்களோடு
நாளைய சோகத்தை மறக்கிறேன்
விதி மீண்டும் விளையாடும்
விளையாட்டு மைதானமானேன் நான்.

vithigalai maatrum brammanillai
naanvirakthiyaay urundodum koozhangal naan
netrum indrum karpanaigal
naalai matrum maariyathu
indraiya santhosangalodu
naalaiya sogathai marakkiren
vithi meendum vilaiyadum
vilaiyaatu maithanamaanen naan.

கூந்தல் நீர்வீழ்ச்சி (Koonthal Neerveezhchi )

2006-12-19T14:57:00.001+05:30

காதல் செய்தே களைத்துப் போய்
உன் கூந்தல் நீர்வீழ்ச்சியில்
நீராட வந்த நான், உன்னில்
மூழ்கி மூச்சடைத்துப் போனேன்
உச்சி முதல் உள்ளங்கால் வரை
உன் கூந்தல் உருகி ஒடி வந்தாலும்
உருகிச் செல்வதோ என் மனமும் தான்
கரை தேடி அலைய வேண்டாம்
கடலாக நான் இருக்கும் போது!!
காத்திருக்கிறேன் சந்தியா!!
கைகளை விரித்து என்னுள் கலந்துவிடு.

Kaathal seithe kalaithu poi
Un koonthal Neerveezhchiyil
Neerada vantha naan, unnil
Moozhgi moochadaithu ponen
uchi muthal ullangaal varai
un koonthal urugi odi vanthaalum
urugi selvatho en manamum thaan
karai thedi alaiya vendam
kadalaaga naan irukum pothu!!
Kaathirukiren santhiya!!
kaigalai virithu ennul kalanthuvidu.

இடைவெளி (Idaiveli)

2006-12-15T20:56:00.000+05:30

எனக்கும் உனக்குமான இடைவெளி குறைகையில்
நான் பறந்து விடுகிறேன் விண்ணுக்கு
தள்ளி இருந்தே தரிசனம் கொடு
என்னால் நீண்ட தூரம் எல்லாம் செல்ல முடியாது

Enakkum unakumaana thorangal kuraigaiyil
Naan paranthu vidugiren vinnukku
Thalli irunthe tharisanam kodu
enaal neenda thooram ellam sella mudiyathu.

ஜடை பின்னல் பயணத்தில் (Jadai pinnal payanathil)

2006-12-14T16:55:00.000+05:30

உயிர்வரை துரத்தும் உன் வாசத்தில்
துகில் கூட தொலைந்து போனது!!
நீ காற்றில் வரைந்த கோலங்களை
கணக்கெடுத்தே கரைந்து போகிறேன்!!
நீண்ட தூர ஜடை பின்னல் பயணத்தில்
பாதை தேடி கலைத்தே போனேன் நான்.
என் காதல் தூண்டிலில்
உன் கண்கள் மட்டும் சிக்க மறுப்பதேன்?
உன் வருகைக்காகவே காத்திருக்கும்
என் பேருந்து நிருத்தத்தை பார்...
நீ இப்போதெல்லாம் வருவதில்லை என
ஓ' என கதறி அழுகின்றன!!
நமக்கு எதற்கு ஊர் வம்பு.
பேசாமல் என்னை வந்து பார்த்து விடேன்.

Uyirvarai thurathum un vaasathil
Thugil kooda tholainthu ponathu!!
Nee Katril varaintha kolangalai
Kanakkeduthe karainthu pogiren!!
Neenda thoora jadai pinnal payanathil
paathai thedi kalaththe ponen naan.
En kaathal thoondilil
Un kangal mattum sikka maruppathen?
Un varugaikagave kaathirukkum
en perunthu niruthathai par...
Nee ippothellam varuvathillai ena
O'ena kathari alugindrana!!
Namakku etharku oor vambu.
Pesamal ennai vanthu paarthu viden.

நடை பிணம் (Nadai pinam)

2006-11-14T15:33:00.000+05:30

கத்தி இல்லை ரத்தம் இல்லை
மாயம் இல்லை காயம் இல்லை
உன் வார்த்தை கணைகள்
கொன்று விட்டன என்னை!!!
பிறகெப்படி நடக்கிறேன் நான்?
ஓ, என்னை தான் சொன்னார்களோ,
நடை பிணம் என்று????

Kaththi illai Raththam Illai
Maayam Illai Kaayam Illai
Un varthai Kanaigal
Kondru vittana ennai!!!
Pirageppadi nadakkiren naan?
Oh, Ennai thaan sonnargalo,
Nadai pinam endru????

இனி வேண்டாம் அவள்.... (ini vendam aval)

2006-11-09T16:37:00.000+05:30

உறங்காத இரவுகள் உண்டு
உன்னோடு இருந்த பொழுது
உணர்வற்று இருந்த பொழுதுகள் உண்டு
உன்னோடு இருந்த பொழுது
கலையாத கனவுகள் உன்டு
உன்னோடு இருந்த பொழுது
அத்தனையும் மறைந்து போனது
அவள் போனவுடன்
இது கூட ஒரு சுகம் தான்
இனி வேண்டாம் அவள்....

Urangatha Iravugal undu
unnodu iruntha poluthu
Unarvatru iruntha poluthugal undu
unnodu iruntha poluthu
Kalaiyatha kanavugal undu
unnodu iruntha poluthu
Aththanaiyum marainthu ponathu
Aval ponaudan
Ithu kooda oru sugam thaan
ini vendam aval....

ஒற்றை வார்த்தை (Otrai varthai)

2006-11-09T15:34:00.000+05:30

ஓற்றை வார்த்தை கேட்க
ஒரு நாள் காத்திருந்தேன்.
சினுங்கிய செல்பேசியை எடுத்து
காதருகில் வைத்தேன்.
உடனே சொன்னாள் ஒரு வார்த்தை
"நாளை பேசலாம். சரியா?".
காத்திருத்தலும் ஒரு சுகம் தானே?
நாளையும் இதே ஒற்றை வார்த்தை என்றால்?

Ottrai varthai ketka
oru naal kaathirunthen.
sinungiya selpesiyai eduthu
kaatharukil vaithen
udane sonnal oru varthai
"Naalai pesalaam. sariya?".
kaathiruthalum oru sungam thaane?
naalaiyum ithe ottrai varthai enraal?

குருதி கனவுகள் (Kuruthi kanavugal)

2006-11-09T13:05:00.000+05:30

ஆழியும் வந்தது
அடை மழையும் பொழிந்தது
நீரும் பெருகியது
நீயும் விலகினாய்
நானோ நெருங்கினேன்
நயமாய் ஒதுங்கினாய்
கண்டுகொண்டேனடி உன்னை
கவலை வேண்டாம்
காதலுக்கு மரியாதை
கண்டிப்பாக கொடுத்திடுவேன்
கலங்க வேண்டாம்
காதலன் கைப்பற்றி
கணவணாய் உருமாற்றி
தமிழ் மண் மீது
கால் பதிக்கும் நேரமதை
வெற்றி விழாவாய் கொண்டாட
உனக்கு முன்னே ஒடி வந்து
குருதி கம்பளம் விரித்து
குற்றுயிறாய் கிடக்கிறேன்
என் மேது ஏறி சென்றேனும்
காதல் அரியணை ஏறிடு
வெற்றி தானே முக்கியம்!!!

Aazhiyum vanthathuadai
mazhaiyum pozhinthathu
neerum perugiyathu
neeyum vizhaginaai
naano nerunginen
nayamaai othunginaai
kandukondenadi unnai
kavalai vendam
kadhaluku mariyathai
kandipaga koduthiduven
kalanga vendam
kaathalan kaipatri
kanavanaai urumaatri
tamizh man meethu
kaal pathikum neramathai
vetri vizhavaai kondada
unakku munne odi vanthu
kuruthi kambalam virithu
kutruyiraai kidakiren
En meethu eri chendrenum
kaathal ariyanai eridu
vetri thaane mukkiyam !!!

காலமெல்லாம் காத்திரு (Kaalamellam kaathiru)

2006-11-09T12:52:00.000+05:30

என்னை விட நேசித்த ஜீவனுமில்லை
என்னை விட யோசித்த ஜீவனுமில்லை
காலம் மாறியது. காட்சியும் மாறியது.
அகநானூறு பாடிய மனதில்
புறநானூறை புகட்டியவள் நீதானே?
யோசிக்க எல்லாம் நேரமில்லை.
உலகம் எனக்காக காத்திருக்கிறது.
அறிவிழந்து கிடந்த நேரங்களை
அழகாக்கி கொள்ள விரைகிறேன்.
வேதாளத்தை மீண்டும் எரிகிறேன்
வீழ்ந்த முருங்கை மரத்தில்.
காலமெல்லம் காத்திரு பெண்ணே
காலம் உனக்கு பதில் சொல்லும்..

Ennai vida nesitha jeevanumillai
Ennai vida Yositha jeevanumillai
Kaalam mariyathu. kaatchiyum mariyathu.
Aganaanooru paadiya manathil
Puranaanoorai pugatiyaval neethane?
Yosika ellam neramillai.
Ulagam enakaga kaathirukirathu.
Arivilanthu kidantha nerangalai
Alagaaki kolla viraigiran.
Vedhalathai meedum erigiren
veezhntha murungai marathil.
Kaalamellam kaathiru penne
Kaalam unakku pathil sollum..

நான் சாக வேண்டாம் (Naan saaga vendam)

2006-11-09T12:41:00.000+05:30

உணவு கூட வேண்டாம்
உணர்வு மட்டும் போதும்.
உறவு கூட வேண்டாம்
இரவு மட்டும் போதும்.
முகங்கள் கூட வேண்டாம்
நகங்கள் மட்டும் போதும்.
காதல் இல்லையென வேண்டாம்
என் சாதலுக்கு அது போதும்.

Unavu kooda vendam
Unarvu mattum pothum.
Uravu kooda vendam
Iravu mattum pothum.
mugangal kooda vendam
Nagangal mattum pothum.
Kaathal illaiyena vendam
En saathaluku athu pothum.